Sædalsmarsjen i ny versjon

trim027
18. mars
1 min lesing

Etter 35 år har interessa og deltakinga i Sædalsmarsjen gått ned. Gjerdsvika IL har pga låg delting avslutta arrangementet. Moltustranda IL vil gjerne halde fram, men då i ein ny versjon.

Vi i Moltustranda IL vil nytte høvet til å takke Gjerdsvika IL for det gode samarbeidet i alle desse åra.

Dei som tidlegare har starta frå Moltu og har fleire løp kan halde fram med det og vil få uttelling for sine turar. Det vil naturleg nok ikkje vere noko arrangment eller kafé i Gjerdsvika.

Moltustranda IL vil i 2025 som under arrangementet i 2024 lage «pop-up» kafé ved Lese-og kvilehytta. Det var mange innom denne både turgåarar og kafé-gjestar. Det vil òg vere høve til å gå halv løype frå Lese-og kvilehytta.

Vi håpar på god deltaking i denne nye versjonen av Sædalsmarsjen! Kom gjerne og prøv halv løype! Turen gjennom dalen byd på flott natur!